Tendedor

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un tendedor^[1][2][3] u estenderero u estenedor ye un dispositivo formau por un conchunto de cuerdas u d'arambres destinau a extender bella cosa pa que s'ixugue, especialment ropa.

A extensión de l'uso de ixucadors en os fogars han propiciau a disminución de tendedors en os chardins u baixo as finestras. Amás, en cualques ciudaz, comunidaz y urbanizacions ye prohibiu penchar a ropa en l'exterior. Manimenos, en o sieglo XXI, as corrients ecolochistas y a creixent concenciación por o estalbio d'enerchía son levando a un resurtimiento de l'emplego d'o tendedor.

En cualques territorios, a plevida obliga a realizar o tendiu d'a ropa en l'interior d'as casas.

1. ↑ (es) Rafael Barceló Caballud Vocabulario caspolino, Institución Fernando el Católico, 2011, ISSN 0590-1626, p.264
2. ↑ (es) Francisco Bruballa Angusto Vocabulario del habla de La Puebla de Castro, Instituto de Estudios Altoaragoneses, 2009, ISBN 978-84-8127-214-7, p.201
3. ↑ (es) María Pilar Lacasa Carrascosa:El habla de Alcolea de Cinca: breve caracterización lingüística y vocabulario. Archivo de filología aragonesa Nº 66, 2010, pp. 193-216, ISSN 0210-5624