Tennessee

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Tennessee}} ~~~~

Tennessee
Bandera de Tennessee (es)
Alministración
País	Estaos Xuníos d'América
ISO 3166-2	US-TN
Tipu d'entidá	Estaos d'Estaos Xuníos
Capital	Nashville
Gobernador de Tennessee	Bill Lee (Partíu Republicanu de los Estaos Xuníos)
Nome llocal	State of Tennessee (en)
Llingües oficiales	inglés
División	ver condáu de Davidson, condáu de Williamson, condáu de Cheatham, condáu de Robertson, condáu de Shelby, condáu d'Anderson, condáu de Bedford, condáu de Blount, condáu de Bradley, condáu de Campbell, condáu de Cannon, condáu de Carroll, condáu de Carter, condáu de Chester, condáu de Claiborne, condáu de Clay, condáu de Cocke, condáu de Coffee, condáu de Crockett, condáu de Cumberland, condáu de Decatur, condáu de DeKalb, condáu de Dickson, condáu de Dyer, condáu de Fayette, condáu de Gibson, condáu de Giles, condáu de Grainger, condáu de Greene, condáu de Grundy, condáu de Hamblen, condáu de Hamilton, condáu de Hancock, condáu de Hardeman, condáu de Hardin, condáu de Hawkins, condáu de Haywood, condáu de Benton, condáu de Bledsoe, condáu de Fentress, condáu de Franklin, condáu de Henderson, condáu de Henry, condáu de Hickman, condáu de Houston, condáu de Humphreys, condáu de Jackson, condáu de Jefferson, condáu de Johnson, condáu de Knox, condáu de Lake, condáu de Lauderdale, condáu de Lawrence, condáu de Lewis, condáu de Lincoln, condáu de Loudon, condáu de McMinn, condáu de McNairy, condáu de Macon, condáu de Madison, condáu de Marion, condáu de Marshall, condáu de Maury, condáu de Meigs, condáu de Monroe, condáu de Montgomery, condáu de Moore, condáu de Morgan, condáu d'Obion, condáu d'Overton, condáu de Perry, condáu de Pickett, condáu de Polk, condáu de Putnam, condáu de Rhea, condáu de Roane, condáu de Rutherford, condáu de Scott, condáu de Sequatchie, condáu de Sevier, condáu de Smith, condáu de Stewart, condáu de Sullivan, condáu de Sumner, condáu de Tipton, condáu de Trousdale, condáu d'Unicoi, condáu d'Union, condáu de Van Buren, condáu de Warren, condáu de Washington, condáu de Wayne, condáu de Weakley, condáu de White y condáu de Wilson
Xeografía
Coordenaes	36°N 86°W / 36°N 86°O / 36; -86
Superficie	109247 km²
Llenda con	Arkansas, Missouri, Kentucky, Virxinia, Carolina del Norte, Georgia, Alabama y Mississippi
Puntu más altu	Clingmans Dome (es)
Puntu más baxu	Ríu Mississippi
Altitú media	280 m
Demografía
Población	6 910 840 hab. (1r abril 2020)
Densidá	63,26 hab/km²
Viviendes	2 639 455 (31 avientu 2020)
Más información
Estaya horaria	Horariu del este de Norteamérica y Hora Estándar Central
Fundación	1r xunu 1796
tn.gov

Tennessee (chéroqui: ᏔᎾᏏ ta-na-si) ye un estáu de la rexón suroriental de los Estaos Xuníos d'América. Tien una estensión de 109.247 km², y llenda con Kentucky al norte, con Virxinia al noreste, con Carolina del Norte al este, con Georgia, Alabama y Mississippi al sur, con Arkansas al oeste y con Missouri al noroeste. La fastera oriental del estáu ocúpenla los Apalaches, mentantu que'l ríu Mississippi fai de llende estatal occidental. La so capital y ciudá principal ye Nashville (660.388 habitantes), siguida de cerca no que cinca en población por Memphis, que tien 652.717 habitantes.

L'estáu de Tennessee tien los sos raigaños na Asociación Watauga, un pactu de frontera robláu en 1772 qu'aveza a considerase como'l primer gobiernu constitucional al oeste de los Apalaches. L'actual Tennessee yera inicialmente parte de Carolina del Norte, y dempués parte del Territoriu del Suroeste. Tres de convertise n'estáu, foi almitíu na Xunión como decimosestu estáu de so el 1 de xunu de 1796. Foi, de los estaos sureños, el caberu n'abandonar la Xunión y xunise a la Confederación cuando estalló la Guerra de Secesión en 1861. Ocupáu polos xunionistes dende l'añu siguiente, foi'l primer estáu en ser realmitíu na Xunión tres de la firma de la paz.

Tennessee aportó más soldaos al exércitu confederáu que dengún estáu sacante Virxinia, y más soldaos al exércitu unionista que'l restu de los estaos confederaos xuntos. Demientres la Reconstrucción, na posguerra civil, hebo una actividá política partidista importante y percompetitiva nel estáu, pero tras la llegada al poder de los demócrates finando la década de 1880 aprobáronse delles lleis qu'escluyeron a la mayoría de la población afroamericana y a munchos blancos probes del derechu al votu. Esto fizo que la competencia política partidista amenorgara enforma hasta l'aprobación, a mediaos del sieglu XX, de la llexislación federal de derechos civiles. Nel sieglu XX Tennessee pasó de ser una economía puramente agraria a una más diversificada, axudada pola inxente inversión federal al traviés de l'Autoridá del Valle del Tennessee (Tennessee Valley Authority) y de les inversiones na ciudá d'Oak Ridge. Esta foi escoyida pa establecer les instalaciones d'arriquecimientu d'uraniu del Proyeutu Manhattan, ayudando poro a construyir les primeres bombes atómiques de la historia.

Les principales industries del estáu inclúin les agrícoles, les manufactureres y les turístiques. El cultivu de soxa y la cría d'aves de corrolada y ganáu bovín son les principales actividaes del sector primariu, mentantu que nel secundariu rescamplen la fabricación de productos químicos, equipamientos pal tresporte ya equipamientos llétricos. Al este del so territoriu asitiase'l parque nacional más visitáu de los Estaos Xuníos, el Parque nacional de los Grandes Montes Fumientos, y una parte del Senderu de los Apalaches (Appalachian Trail) percuerre la llende ente l'estáu y Carolina del Norte. Otros destinos turísticos importantes son l'acuariu de Tennessee (Tennessee Aquarium) en Chattanooga, el Muséu y Salón de la Fama de la Música Country (Country Music Hall of Fame and Museum) en Nashville, la residencia (Graceland) y la tumba d'Elvis Presley y el Muséu Nacional de los Derechos Civiles (National Civil Rights Museum) en Memphis, y la destilería de Jack Daniel's en Lynchburg.