Termo

En matematiko, termo estas produto de kelkaj faktoroj, inter kiuj ĉiu estas aŭ nombro, aŭ natura potenco de variablo. Ekzemple termoj estas 6b²c kaj 5x⁴7c. La termo nomiĝas norma, se ĝia unua faktoro estas nombro, kaj la ceteraj faktoroj estas potencoj de diversaj variabloj. La nombra faktoro de la norma termo estas koeficiento kaj la sumo de la eksponentoj - grado aŭ ordo de la termo (por la unua ekzemplo ĝi egalas al 4, por la dua - 5).

Polinomo aŭ plurtermo estas la sumo de kelkaj termoj. Ekz. 7xy³+0,1ab estas polinomo. Polinomo, kiu enhavas nur unu variablon, nomiĝas unuvariabla polinomo. La ĝenerala aspekto de unuvariabla polinomo de n-a ordo estas:

P_n(x)=A₀(xⁿ)+A₁(x^n-1)+...+A_n-1x+A_n,

kie koeficientoj A₀, A₁, ...A_n-1, A_n estas reelaj aŭ kompleksaj nombroj, A₀xⁿ - ĉeftermo de polinomo, A_n - libera termo.

La radiko de unuvariabla polinomo estas tiu valoro de la variablo, por kiu konforma signifo de la polinomo egalas al 0. Tiamaniere x₀ estas radiko de la polinomo P_n(x), se P_n(x₀)=0.