Thamnotaxiraeda

Thamnotaxiraeda (Anglice bush taxi, Francogallice taxi brousse, Mandingice tanka tanka) est taxiraedae genus in Africa Occidentali, praecipuum medium vecturae autochthonibus et viatoribus. Nuncupatur "thamno-" (e Graeco vocabulo θάμνος, fruticem significante) quia crebro haec taxiraeda per frutices cito currit, per sordidas vias et villagiorum terras resiliens^[1]. Tria vehiculorum genera sunt in usu thamnotaxiraedis: familiare, laophorium minutum, autoplaustrum. Multa sunt scrutaria vehicula importata ex Europa et Iaponia; alia componuntur e partibus in regionalibus centribus sicuti Nigeria et Kenia. Originales vehiculorum sedes crebro tolluntur ut collocarentur sedilia cum maiore vectorum spatio ^[2].