Tigray-streek

Die Tigray-streek (ክልል ትግራይ kilil Tigrāy) is die mees noordelike van die nege etniese streke (kililat) van Ethiopië. Tigray is die tradisionele tuiste van die volkere Tigray, Erob en Kunama. Tigra staan ook bekend as Streek 1 ingevolge die federale Grondwet. Die hoofstad is Mekelle, wat ook bekendstaan as die Noorderster.

Tigray word in die noorde begrens deur Eritrea, in die weste deur Soedan, en die Amhara-streek in die suide en suidweste. Buiten Mek’ele, is ander vername stede in Tigray onder meer Hawzen, Abiy Addi, Adigrat, Adwa, Aksum, Humera, Korem, Maychew, Qwiha, Shire (Inda Selassie), Wukro en Zalambessa. Ook die geskiedkundig belangrike dorp Yeha is in die streek geleë.