Tiwadak

Tiwadak adalah tanaman buah-buahan matan kulaan Moraceae. Bantukan, rasa wan harumnya nangkaya nangka, tagal baunya tamirip durian.

Tanaman ini asalnya matan Asia Tenggara, wan taucir matan banua Tenasserim di Burma, Semenanjung Malaya tamasuk Thailand, wan sepalih Kapulauan Nusantara: Sumatra, Borneo, Sulawesi, Maluku sampai ka Papua, ada juwa tadapat di Jawa bagian barat.

Buah ngini dipinandui urang lawan tiwadak atawa campedak nang baisi ngaran lain targantung dimana kampungnya, bangkong (bentuk liar, Malaysia), baroh (Kep. Lingga dan Johor), nangka beurit (Sunda), nongko cino (Jawa), wan lain-lain.