Trubadurlar

Trubadurlar (fr. troubadour, cəmdə: troubadours, oks. trobador) — əsasən Oksitaniyadan olan orta əsr şair -musiqiçiləri (instrumentalistlər və müğənnilər). Trubadurların yaradıcılığı XI əsrin sonu — XIII əsrləri əhatə edir, onun çiçəklənmə dövrü XII–XIII əsrin əvvəllərinə təsadüf edir. Trubadurlar öz şeirlərini müasir Fransanın bəzi bölgələrində danışılan provans dilində bəstələyirdilər. Trubadurlar o dövrdə cəmiyyətin ictimai, siyasi və dini həyatında fəal iştirak edirdilər. Albi səlib yürüşündən sonra onlar tamamilə yox oldular, lakin zəngin mədəni irs qoydular.

Əsasən trubadurların sayəsində ilk ədəbi roman dili yarandı: Kataloniya və Şimali İtaliya şairləri daha sonra Köhnə Provans dilində yazırdılar. Trouvères poeziyası və Minnesingers poeziyası Provans lirikasının təsiri altında formalaşmışdır; onların yaradıcılığı Dante, Dolce stil nuovo və Petrarkanın şeirlərini ilhamlandırmışdır.^[⇨] . Müasir dövrdə trubadurların lirikası unudulmuş və onu yalnız romantiklər yenidən kəşf etmiş, sonra isə onun tədqiqinə başlamışdırlar. XIX əsrin sonu — XX əsrin əvvəllərində fransız alimləri trubadur poeziyasının yayılma coğrafiyasını və onun spesifikliyini daha dəqiq ifadə edən poésie occitane terminini işlətdilər^[1] .

1. ↑ Шайтанов И., Афанасьева О. Урок по Средним векам. Куртуазная поэзия. Примечания // Зарубежная литература: 10—11 классы: Элективный курс.