UFO

UFO isch en Abchürzig für unidentifizierts/unbekannts Flugobjäkt (änglisch unidentified flying object). Si bezeichnet Phänomen, wo vo Beobachter als flüügend wahrgnuu wärded und nid eidüütig identifiziert wärde chönd. Umgangssprachlich wird de Begriff als Bezeichnig für Ruumfahrzüüg vo hypothetische usserirdische Läbewäse bruucht. Ursprünglich het sich de Begriff „Flüügendi Undertasse“ yybürgert, wil si i de erste Zytigsbricht über UFOs so beschribe worde sind. S Bild vo de Flüügende Undertasse prägt mänschliche Vorstellige devoo, wie d Ruumfahrzüüg vo hypothetische usserirdische Lebewesen typischerwys usgseh chönnted.