Uetlibergtunnel

Dr Üetlibärgdunnel isch ein Dunnel vo dr Schwiizer Autobaan A 3. Dr Dunnel goot südlech vo Züri us em Wüeritaal under em Reppischtaal, dur de Gmeindbann von Schtalike und under em Üetlibärg dure is Sihltaal übere.

D Autobaan A 3 zwäigt bi Wiinige vo dr A 1 ab und goot über d Limet und dur drü Dunnel uf Biirmischtoorf und Wettschwiil, wo d Verzwäigig mid dr Autobaan A 4 ligt. Dört foot dr Dunnel uf dr Höchi vo 520 Meter aa; är füert im ene Boge dure Üetlibärg und chunt bi dr Zürcher Almänd am lingge Ufer vo dr Sihl, uf Wollishofer Bode, uf dr Höchi vo 440 Meter wider us em Bärg use. Grad vor em Oschtportaal, wo uf dr Gränze vo de Zürcher Chreis Wiedike und Laibach ligt, isch d Verzwäigig Züri-Süd vo dr Autobaan.

Dr Dunnel hed zwo Rööre, je eini i beide Faarrichtige. Är isch am 4. Mai 2009 eröffnet worde.