Ure

De Ure is in rivier yn Noard-Yorkshire yn Ingelân. It is de wichtichste rivier fan Wensleydale, ien fan de 'dellingen fan Yorkshire', ferneamd nei it doarp Wensley en net nei in rivier. Eartiids hiet dy delling Yoredale. Beëasten Boroughbridge komt de Swale by de Ure. Op sa'n 10 kilometer streamôf fan syn gearrin mei de Swale komt de folle lytsere Ouse Gill Beck by Cuddy Shaw Reach (ûnder Linton-on-Ouse) út yn de Ure. Dêr feroaret de rivier fan namme en wurdt er de Ouse.

De Ure ûntspringt op in hichte fan 640 m., is 119 kilometer lang en is oer in lingte fan 21 kilometer befarber.

• 
  De Ure
• 
  Leechste part fan de Aysgarth Falls yn de Ure
• 
  De B6265 rint oer de Ure by Bridge Hewick

Ofbylden dy't by dit ûnderwerp hearre, binne te finen yn de kategory River Ure fan Wikimedia Commons.