Usen ìre okike mgbọ linyọn̄ okisa iyaka ikana mgbọ ge me lek ọfọkọ kan̄. Ìbore ikarek me agan̄ linyọn̄ ya òkikpọ ura, mè ire eririeen̄ me udum agan̄ keyilọ ura ikarege lek. Linyọn̄ ìkisa mbubak-mgbọ akọp mè iba iyaka ikana mgbọ ge; eya onenire usen ge, ikarek mè eririeen̄ mè ọmọ. Eyi ìre usen ekifuk ikpo me lek ura. Mîkifuk si usen ikpọ me lek usini ntoronyan̄ ìkekeke ibia me akpat kiban̄. Usen eyi efukbe ikpọ me lek ntoronyan̄ ìsa nkikek-mgbọ inen mè inen gaalek igbidim igak eyi ura.