Utah

Utah
Bandera de Utah (es)
Alministración
País	Estaos Xuníos d'América
ISO 3166-2	US-UT
Tipu d'entidá	Estaos d'Estaos Xuníos
Capital	Salt Lake City
Gobernador d'Utah	Spencer Cox
Nome llocal	State of Utah (en)
Llingües oficiales	inglés
División	ver condáu de Beaver, condáu de Box Elder, condáu de Cache, condáu de Carbon, condáu de Daggett, condáu de Davis, condáu de Duchesne, condáu d'Emery, condáu de Garfield, condáu de Grand, condáu d'Iron, condáu de Juab, condáu de Kane, condáu de Millard, condáu de Morgan, condáu de Piute, condáu de Rich, condáu de Salt Lake, condáu de San Juan, condáu de Sanpete, condáu de Sevier, condáu de Summit, condáu de Tooele, condáu d'Uintah, condáu d'Utah, condáu de Wasatch, condáu de Washington, condáu de Wayne y condáu de Weber
Xeografía
Coordenaes	39°30′N 111°30′W / 39.5°N 111.5°O / 39.5; -111.5
Superficie	219653 km²
Llenda con	Nevada, Idaho, Wyoming, Colorado, Arizona y Nuevu Méxicu
Puntu más altu	King's Peak (en)
Puntu más baxu	Beaver Dam Wash (en)
Altitú media	1860 m
Demografía
Población	3 271 616 hab. (1r abril 2020)
Densidá	14,89 hab/km²
Viviendes	1 003 345 (31 avientu 2020)
Más información
Estaya horaria	UTC−07:00, America/Denver (es) y Mountain Time Zone (MTZ)
Fundación	4 xineru 1896
utah.gov

Utah ye ún de los 50 Estaos de los Estaos Xuníos d'América, allugáu nel oeste del país. Utah ye un de los más importantes centros de tresporte y telecomunicaciones del oeste de los Estaos Xuníos. Aproximao'l 88% de la población d'Utah vive nuna concentración urbana denominada Wasatch Front, cola capital y mayor ciudá del estáu, Salt Lake City, como centru. En contraste, grandes estensiones del estáu tán práuticamente despoblaes, faciendo de la población d'Utah la sesta más urbanizada de los Estaos Xuníos.^[1]Salt Lake City ye un importante centru financieru y comercial del oeste d'EE.XX. La industria de manufactura y d'alta teunoloxía son tamién importantes fontes de renta pal estáu, según l'agricultura y la ganadería. Utah tien un sistema d'educación y de salú nacionalmente renomáu. La principal fonte de renta d'Utah, sicasí, ye'l turismu. Les sos guapures naturales atrayen al estáu a millones de turistes cada añu. Estes atraiciones van dende grandes cadenes de montes aparentes a la práutica del esquí (en 2002 celebráronse n'Utah los Xuegos Olímpicos d'Iviernu) y de roques que por cuenta de la aición de la erosión fueron escavaes formando pontes peñascoses, hasta'l Gran Llagu Saláu —el mayor llagu al oeste del ríu Mississippi, y que ye cuatro vegaes más saláu que l'agua de mar. Gran parte del estáu tien un aspeutu y un clima desérticu. L'estáu y la so historia tán marcaos pola gran presencia de los mormones, que formen parte de la Ilesia de Xesucristu de los Santos de los Últimos Díes. Cerca del 60% de la población d'Utah son miembros d'esta asociación relixosa, que la so sede central s'atopa en Salt Lake City. Los mormones instaláronse primeramente na rexón del actual estáu d'Utah en 1847, y llamaron a la rexón Deseret —que significa abeya melera, nel llinguaxe del Llibru de Mormón. El Congresu de los Estaos Xuníos creó'l Territoriu d'Utah en 1850 —dando nome al territoriu pola tribu amerindia ute, pueblu de los montes, que vivía na rexón.^[2] El 4 de xineru de 1896, Utah convirtióse nel 45ᵘ estáu de los Estaos Xuníos.

1. ↑ «The People of Utah». MSN EncartaUtah. Archiváu dende l'orixinal, el 2008-03-28. Consultáu'l 1/8/2008.
2. ↑ «Utah Quick Facts». Utah.gov. Archiváu dende l'orixinal, el 2007-02-22. Consultáu'l 1/8/2008.