Uttarakhand

Uttarakhand
Alministración
País	India
Tipu d'entidá	estáu de la India[1]
Chief Minister of Uttarakhand (en)	Trivendra Singh Rawat
Nome oficial	Уттаранчал (ru) Uttarakhand (en)[2] उत्तराखण्ड (hi)
Nome llocal	उत्तराखंड (hi) Uttarakhand (en)
Xeografía
Coordenaes	30°30′40″N 78°57′14″E / 30.511187°N 78.954012°E / 30.511187; 78.954012
Uttarakhand Uttarakhand (India)
Superficie	53566 km²
Llenda con	Uttar Pradesh, Himachal Pradesh, Haryana y Far-Western Development Region (en)
Demografía
Población	10 086 292 hab. (2011) - 5 137 773 homes (2011) - 4 948 519 muyeres (2011)
Porcentaxe	0.76% de India
Densidá	188,3 hab/km²
Más información
Fundación	2000
uk.gov.in

Uttarakhand, tamién llamáu Uttaranchal, ye unu de los ventinueve estaos que, xunto colos siete territorios de la Unión, formen la República de la India. La so capital y ciudá más poblada ye Dehradun.

Ta allugáu al norte del país, llindando al norte cola República Popular China, al este con Nepal, al sur con Uttar Pradesh, al suroeste con Haryana y al oeste con Himachal Pradesh. Con 189 hab/km² ye'l novenu estáu menos densamente pobláu —per delantre de Megalaya, Himachal Pradesh, Manipur, Nagaland, Sikkim, Jammu y Caxmir, Mizorán y Arunachal Pradesh, el menos densamente pobláu—.

Uttarakhand tuvo estremáu de forma tradicional en dos partes: la occidental conocida como Garhwal y l'oriental que recibe'l nome de Kumaon.

La mayor parte del Estáu ta cubierta poles llendes del Himalaya y polos glaciares, ente que les partes más baxes contienen trupos montes. El ecosistema del Himalaya sirve d'hábitat pa numberoses especies d'animales (como los tigres o los lleopardos de les nieves), plantes y estrañes yerbes. Dos de los ríos más importantes de la India, el Ganges y el Yamuna nacen nos glaciares de Uttarakhand.

La industria del turismu ye una de les principales fontes d'ingresos. Ente los principales destinos tópense Mussoorie y Almora. A esta rexón pertenecen tamién dalgunos de los templos hinduistes más sagraos polo que ye destín de pelegrinos dende hai más de dos mil años. Ente los principales centros sagraos destaquen los templos d'Haridwar, Rishikesh y Kedarnath.

L'estáu ye tamién el llugar nel que s'alluga unu de los más ambiciosos proyeutos del gobiernu indiu, la presa de Tehri, proyeutu concebíu nel añu 1953 y qu'entá nun se completó.

1. ↑ «Welcome to Uttarakhand». Archiváu dende l'orixinal, el 14 xunu 2011. Consultáu'l 26 febreru 2018.
2. ↑ «Uttarakhand STATE, INDIA». Consultáu'l 26 febreru 2018.