Veii

Veii
Silenus met nimbus; Veii 5de eeu v.C.
Koördinate	42°01′24″N 12°23′23″O / 42.02333°N 12.38972°O / 42.02333; 12.38972
Plaaslike naam	Vei(s), Uentia; Veio
Land	Italië
Soort	Argeologiese terrein
Streek	Suid-Europa
Oppervlakte	190 ha (470 akker)
Geskiedenis
Kulture	Etruskers

Veii (Etruskies: Vei(s), Uentia; Italiaans: Veio) was 'n belangrike stad van die Etruskers wat in 396 v.C. deur die Romeine ingelyf is. Dit was 17 km noord van Rome geleë^[1] en sy verowering vorm die eerste groot uitbreiding van die gebied van die Romeinse staat.^[2]

Die stad is op 'n plato geleë wat met steil oewers deur twee riviere begrens word, die Cremera (vandag: Valchetta) en die Mola. Die sitadel is in die suide en dit word deur duisende grafte in kringe omring. Opgrawings het 'n indrukwekkende tempel gewys wat omtrent 510 v.C. gebou is en dalk aan Apollo en Hercules gewy is.^[1] Veii is saam met die ander stede van Suid-Etrurië Cerveteri, Tarquinia, Vulci en Orvieto een van die mees gevorderde nedersettings van die Etruskers. Die vroegste beskilderde graf (laat 8ste/ vroeg 7de eeu v.C.) is hier aangetref. Dit wys dieselfde soort leeus wat ook op aardewerk gevind word.^[3]

1. ↑ ^{1,0 1,1} The Villa Giulia National Etruscan Museum: Short Guide ,Museo nazionale di Villa Giulia, Anna Maria Sgubini Moretti L'ERMA di BRETSCHNEIDER, 2001, ISBN 888265012X, ISBN 9788882650124
2. ↑ A Critical History of Early Rome: From Prehistory to the First Punic War, Gary Forsythe, University of California Press, 2006, ISBN 0-520-24991-7, ISBN 978-0-520-24991-2
3. ↑ The Etruscans: A Very Short IntroductionChristopher Smith, OUP Oxford, 2014, ISBN 0-19-166501-0, ISBN 978-0-19-166501-1