Venus

Venus ìre òso òtiteek iba bene me lek ura. Ijon̄ kan̄ ìre ewuuk ewuuk mè ichiaak. Ebi usọ emen efet [astronomers] mîwuulek iriọọn̄ ọmọ me obop obop acha òraraka. Ebi Rom ukot ikaan̄ egwen ọmọ ibak uman awaji eyi ima mè uja. Isan̄a me lek onyan̄, Venus ore inu òkitoon̄ ichit me isinyon̄ eririeen̄. Usini mgbọ, ekigwen ọmọ ntoronyan̄ ewelegwe mè ìre ntoronyan̄ ikakwun̄ mije usini mgbọ mîkimun̄ me isinyọn̄ me ikakwun̄ mè èmun̄ si me òbum-egwe sabum ura ewelegwe ònosibi.

Venus ogbet me lek linyon̄ igak òtiteek kechilọ. Ekigwen Venus ibe îre ngwan̄ enenwaan̄ mèlek linyon̄ mije ge ìbelek ge me oke mè unye ǹtaba. Me ufi agan̄, ge înwene me lek ge enenen. Lek-efet òtap ikana venus ìre kabọn diọsaidi mè nton̄ inyon̄ òrere asidi biridọni. Asidi biridọni yi ìre inu òkifiat ugwem. Mije keyi ke ekigwen ọmọ ngwan̄ mgban-iba ogwu ikpak kè linyon̄ [earth's evil twin]. Mije lek-efet kan̄ olobobe akpọk enenen, îkiyot imọmọọn̄ inyon ijon̄ kan̄. Mege inire agan̄ òta me emen senturi akọp iba, owuwa ene ekikeek ibe ke inu ògat ugwem òwa me ere ya mè ìre ke ebilene mèkot iluk.

Unye-nkeme me mekuri ìmin mgbo 92 igak eyi linyọn̄. Venus mè mekuri gaalek ere òtiteek ikakaan̄ge onyan̄. Venus ìkiyaka atalek ususuk mè ikije ntikwo me lek ebi kè ofifi òtiteek. Lek-efet kan̄, eyi kabọn diọsaidi ojotbe, ìkitaba uyok ura itap me emen kan̄. Eyi orọ venus orebe òtiteek òyoyok ichit me ọgbọn̄ ura.