Back Виналия Bulgarian ভিনালিয়া Bengali/Bangla Vinàlia Catalan Vinalia German Vinalia English Vinalia Spanish Vinalia French Vinalia Italian Vinalijos LT Vinalia Dutch

Vinalia

Fasti Antiates Maiores: Vinalia mense Aprili et iterum mense Sextili notantur (VINAL). Mense Aprili adduntur litteris minusculis VENER ERUC (hoc est Veneri Erycinae), mense Sextili VENERE.

Vinalia fuere feriae Romanae antiquae quae bis in anno in honorem praecipue Iovis sed etiam postea Veneris celebrabantur: distinguebantur enim Vinalia priora quae die 23 Aprilis (a.d. VIIII Kal. Mai.) celebrabantur atque ad vinum novum degustandum Iovique libandum spectabant[1] a Vinalibus posterioribus quae Vinalia rustica dici solent et die 19 Augusti/Sextilis (a.d. XIV Kal. Sept.) celebrabantur, tempestatum ab uvis iam paene maturis arcendarum causa[2], quod Iovis munus erat qui atmosphaericis eventis praeerat[3].

  1. ↑ Plinius XVIII.287: Vinalia priora, quae ante hos dies sunt VIIII kal. Mai. degustandis vinis instituta, nihil ad fructus attinent. Quod idem Tusculi fiebat (Varro, Lingua Latina VI.16): In Tusculanis portis est scriptum: "Vinum novum ne vehatur in urbem ante quam Vinalia kalentur".
  2. ↑ Plinius XVIII.289 (opinionem Varronis referens): sunt Vinalia altera, quae aguntur a. d. XIIII kal. Sept. Varro . . . hunc diem festum tempestatibus leniendis institutum. Cf. ibidem 284: tria namque tempora fructibus metuebant, propter quod instituerunt ferias diesque festos, Robigalia, Floralia, Vinalia. Necnon ibidem XVIII.294 ex Varrone: Varro auctor est, si fidiculae occasu, quod est initium autumni, uva picta consecretur inter vites, minus nocere tempestates.
  3. ↑ Vergilius, Georgica II.419: et iam maturis metuendus Iuppiter uuis.

Vinalia

Dodaje.pl - Ogłoszenia lokalne