Vinwalvis

Vinwalvisse
Die bultrugwalvis, Megaptera novaeangliae
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Klas:	Mammalia
Orde:	Cetacea
Suborde:	Mysticeti
Familie:	Balaenopteridae Gray, 1864
Genera
Balaenoptera Megaptera

Die vinwalvisse (Balaenopteridae) is die grootste groep baardwalvisse, met nege spesies in twee genera, Balaenoptera en Megaptera. Vinwalvisse kom in al die wêreld se oseane voor.

Sommige lede van die groep behoort tot die grootste diere wat ooit bestaan het: die blouwalvis, wat tot 150 ton kan weeg, word as die grootste dier ooit beskou. Twee ander spesies skuif ook met gemak verby die 50 ton-merk en selfs die kleinste walvis in die groep, die Noordelike minkewalvis, weeg tot 9 ton.

Vinwalvisse het hulle naam te danke aan die klein, dog opvallende rugvin, wat agter op die rug aangetref word. Van die ken tot die naeltjie loop groewe (of ventrale plooi), wat tydens die vangs van plankton uitsit.

Wyfies is ietwat groter as mannetjies en die vis se kop beslaan by baie soorte ongeveer 'n kwart van die totale liggaamslengte. Bo-kant die kop is 'n dubbel spuitgat.