Voivoderri

Voivoderria (polonieraz: województwo), batzuetan voivodia, voivodina, vojvodina, vojvodstvo, vojvodovina, vajdaság edo vaivadija moduan ere ezagutua, Errumania, Hungaria, Polonia, Lituania, Letonia, Errusia eta Serbian Erdi Arotik aurrera egindako zatiketa administratiboen izena da.

Voivoderri bakoitzean voivoda batek agintzen zuen, hau hasieran komandante militar bat zelarik. Dukatu, probintzia, palatinatu edo zatiketa administratibo moduan itzul daiteke.

Gaur egun Polonian erabiltzen den izena da, bere 16 voivoderriak izendatzeko, eta Serbiako Vojvodina probintzia autonomoak ere izena gorde du.