Volin

den
Reizh pe jener	paotr
Bro ar geodedouriezh	Impalaeriezh Rusia, Frañs
Anv ganedigezh	Всеволод Михайлович Эйхенбаум
Anv-bihan	Vsevolod
Deiziad ganedigezh	11 Eos 1882
Lec'h ganedigezh	Voronej
Deiziad ar marv	18 Gwe 1945
Lec'h ar marv	Pariz
Doare mervel	abeg naturel
Abeg ar marv	torzhellegezh
Lec'h douaridigezh	Crématorium-columbarium du Père-Lachaise
Breur pe c'hoar	Boris Eikhenbaum
Pried	Halyna Kuzmenko
Yezh vamm	rusianeg
Yezhoù komzet pe skrivet	rusianeg, galleg, alamaneg
Yezh implijet dre skrid	galleg
Strollad politikel	Socialist Revolutionary Party, Nabat, Union of Russian Workers
Oberenn heverk	The Unknown Revolution
Ideologiezh politikel	anveliouriezh

Vsyevolod Mikhaylovitch Eichenbaum (Всеволод Михайлович Эйхенбаум) lesanvet Volin (Волин, 11 a viz Eost 1882, Novgorod-18 a viz Gwengolo 1945, Pariz)

Bet ganet en ur familh pinvidik e studias a ar gwir e Sant Petersbourg. Kemer a reas perzh en dispac'h e 1905 hag e savas ivez ur soviet e Sant Petersbourg. Harzet e voe gant ar polis, ha lakaet da heul en toull-bac'h. Dont a reas a-benn achap eus ar prizon ha mont da Vro-c'hall e 1907. Mont a reas e darempred eno gant diveliourien eus Rusia. Dont a reas ezel eus ar C'homite Oberiant Etrebroadel e 1913 ha stourm a-enep d'ar brezel. Voline a rankas terc'hel kuit a-nevez davet SUA ar wezh-mañ pa fellas d'ar gouarnamant gall e lakaat ivez en toull. Degemeret e voe neuze gant ar C'hevredad Unvaniezh ar Vicherourien a vro Rusia e SUA hag e Kanada. Kenderc'hel a reas da stourm en ur vrudañ ar gelaouenn Mouezh al Labour.

Kuitaat a reas ar gelaouenn da c'houlz emglev Brest-Litovsk. Mont a reas neuze da vBrobov e su Rusia, lec'h ma voe karget da gelenn d'ar bobl. Kemer perzh a reas d'ar pemdezieg Nabate (kloc'h-galv). Karget e voe ivez da sevel ur skrid evit prezegenn Koursk. Ret e voe dezhañ sevel ur sintezenn diveliel en dije gellet bezañ program eus pep tu diveliel Rusia. Rankout a reas kuitaat e labour abalamour d'ar volcheviked. Kejañ a reas ouzh Nestor Makhno, hag e voe lakaet e penn ar c'hevrad e karg eus sevenadur ha deskadurezh an Arme Emsavet. An arme a zilennas anezhañ e 1919 evel Prezidant Kuzul an Arme Emsavet. An Arme Ruz a harzas anezhañ en-dro c'hwec'h miz goude, ha lakaat a reas anezhañ etre daouarn an Tcheka. Dieubet e voe e 1920, a- drugarez d'un emglev etre Makhno hag ar volcheviked. Harzet e voe un eil gwezh d'ar 25 a viz Kerzu, da lâret eo un deiz a-raok ar c'hendalc'h diveliel, asambles gant tout an diveliourien o doa bet stourmet gant Makhno.

Prizoniet ha jahinet, e voe dieubet a-drugarez da glemm ar sindikalourien europat deuet da gemer perzh e kendalc'h Profintern. Rankout a reas neuze kuitaat Rusia da vat. Repu a gavas en Alamagn, lec'h ma kendalc'has da stourm gant an Unaniezh Vicherel Frank, a oa he sez e Berlin, hag e skrivas "Heskin a-enep d'an diveli e Rusia Soviedel". Treiñ a reas levr Pierre Archinoff ivez : "Istor an Emsav makhnovour" ha Krouiñ a reas ar sizhunieg rusek "ar micherour anarkour" Sebastien Faure a bedas anezhañ e Bro-c'hall evit kemer perzh er "c'helgeriadur anarkour". Pa darzhas ar brezel e oa o chom e Marsilia lec'h ma skrivas "an dispac'h Dianavez". Mervel a reas en ospital Laenneg abalamour d'an droug-skevent. Douaret eo bet e bered Père-Lachaise e Pariz.