Waark

Waark (Wark)

Mëndung vun der Waark an d'Uelzecht
An anere Sproochen	fr: Wark de: Wark
Längt	27,7 km
Hydrographesche Baseng	Rhäin
Originn
Originn	Zesummefloss vun zwou Baachen
Plaz	südëstlech vu Gréiwels
Héicht	450 m
Koordinaten	49° 50’ 55’’ N       5° 55’ 27’’ O
Konfluenz
Leeft an	d'Uelzecht
Plaz	Ettelbréck
Héicht	192 m
Koordinaten	49° 50’ 45.3’’ N       06° 06’ 24.2’’ O
Haaptnieweflëss	Turelbaach, Mechelbaach, Feel
Geographie
Land	Lëtzebuerg
Uertschaften	Groussbus, Mäerzeg, Uewerfeelen, Nidderfeelen, Welschent, Waarken, Ettelbréck

D'Waark ass eng Baach, am Nordweste vu Lëtzebuerg, op der Grenz tëscht dem Éislek an dem Guttland. D'Waark entsteet aus dem Zesummefloss vun zwou klenge Baache am Ellegrëndchen, südëstlech vu Gréiwels, op enger Héicht vu ronn 450 Meter, a si fléisst zu Ettelbréck an d'Uelzecht.

Op der topographescher Kaart vum Kadaster ass d'Baach mat Wark gezeechent.

Uertschaften op der Waark, vun uewen no ënnen:

D'Waark zielt zu de primäre Waasserleef vu Lëtzebuerg déi en Anzuchsgebitt vun iwwer 70 km² hunn^[1].

Den Dall vun der Waark eegent sech gutt fir Fousstouren. En ass opgesicht vu Fotografen a Moler. Eng Fëscherei an der Waark ass vu villen Amateure begiert. Fréier sinn och Kriibsen an der Waark gefaange ginn.

1. ↑ www.geoportail.lu, déi offiziell Plattform fir geographesch Donnéeën a Servicer vun der Administration du cadastre et de la topographie