Back Bitişikqəlsəməlilər AZ Lindung BAN Simbrànquids Catalan Synbranchidae CEB Hrdložábříkovití Czech Kiemenschlitzaale German Swamp eel English Synbranchidae Spanish Synbranchidae EU مارماهی باتلاقی FA
| ?Walut | ||||||||||||
|---|---|---|---|---|---|---|---|---|---|---|---|---|
 Walut sawah Monopterus albus
| ||||||||||||
| Klasifikasi ilmiah | ||||||||||||
| ||||||||||||
| Genera | ||||||||||||
Walut (Bahasa Indunisia : belut, Bahasa Jawa : welut) adalah sakalompok iwak babantuk mirip ular nang tamasuk dalam suku Synbranchidae. Suku nang ini ada ampat genera wan sabarataanya 20 macam. Jenis-macamnya banyak nang baluman dicuray sacara langkap sahingga angka-angka nang itu masih kawa ba'ubah. Anggotanya basifat pantropis (kawa tahaga di samunyaan banua tropika).
Walut babeda lawan sidat, nang rancak tapahurup maminanduinya. Iwak nang ini kawaai disambat kada ba'isi sirip, kacuali sirip buntut nang jua ta-eduksi, samantara sidat magun (masih) ba'isi sirip nang jelas. Ciri khas walut nang lain adalah kada basisik (atawa wastu sadikit haja), kawa bahinak di udara, bukaan insang kipit, kada ba'isi kantung gasan bakunyung wan tulang rusuk. Walut bujuran satua banyu darat, samantara kabanyakan sidat hidup di laut tagal ha ada jua nang hidup di banyu tawar. Mata walut kabanyakan kada bafungsi baik; macam-macam nang bagana di dalam guha malah matanya picak kada kawa malihat.
Ukuran awak bavariasi. Monopterus indicus wastu ba'ukuran 8,5 cm, samantara walut marmer Synbranchus marmoratus dikatahui panjangnya mau ay sampai 1,5m. walut pahumaan gin, nang biasa tahaga di pahumaan wan dijual gasan dimakan, panjangnya bisa ay sampay sakitar 1 meter (dalam basa Betawi disambat moa).
Kabanyakan walut kada katuju bakunyung awan jua walut katuju banar basambunyi di dalam licak. Samunyaan walut adalah pamangsa. Daftar mangsanya biasanya satua-satua halus di rawa atawa sungai, nangkaya iwak, kodok, sarangga, wan jua krustasea halus.