Warkhoven

Warkhoven was ne zelfstaandege gemeente in de previnsie Utrecht. De gemeente is op 1 september 1964 op-eheaven en bi-j de gemeente Bunnik edoane. Doar is et noe ne kleine kern mit rundumme 1.630 inwonners (CBS 2003). Warkhoven is ontstoan in de 8ste eeuwe under den name Wercundia. In de 12-13de eeuwe wödden de Karke van Warkhoven ebouwd dee nog altied et middelpunt van dee historiese kern van et darp is. Doar is veul boern bedrievegheid (veurnoamelek vee- en fruutteelt) in en um et darp.

Warkhoven hef ne restaureerde koornmölle, den Rien en Weert, dee op zoaterdagen te bekieken is veur de kiekleu. Wieter ligt an den raand van et darp et kasteel Beverweerd (neet toogänkelek veur kiekers). Der bunt verskillende kleinschoalegen boerderi-je-campings in en rundumme et darp.

In 2004 wödden deur de plaatseleke Muzeekvereaneging Constantia nen video/dvd uut-egeaven mit historiese beelden van et darp Warkhoven.