Wissen

In dr Erkenntnistheorii isch Wüsse dradizionell e woori und grächtfertigti Mäinig (änglisch justified true belief). Generell wird Wüsse as e Bestand vo Fakte, Theorie und Reegle verstanden, wo Persone oder Grubbe drüber verfüege und wo dr grösstmööglig Grad an Gwüsshäit häi, so dass mä drvo cha usgoo, ass si gültig bzw. woor si. Es isch scho paradox ass Beschriibige vo Sachverhält, wo as Wüsse deklariert wärde, woor oder falsch und vollständig oder unvollständig chönne sii.

Wil jedi Erkenntnis uf Date vo de Sinn basiert, wo scho dur e iigschränkt biologisch Woornäämigsapparat gfilteret und umbewusst interpretiert worde si, cha mä Wüsse nit as absolut aaluege. D Wiidergoob vo dr Realidäät blibt doorum immer e hüpothetischs Modäll.^[1]

1. ↑ Gerhard Vollmer: Biophilosophie. 1. Uflaag. Reclam, Stuttgart 1995, S. 110, 111, 114–116.