Witdolfyn

Witdolfyn
Vergelyking in grootte met 'n gemiddelde mens
Bewaringstatus
Byna bedreig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Cetacea
Familie:	Monodontidae
Genus:	Delphinapterus
Spesie:	D. leucas
Binomiale naam
Delphinapterus leucas (Pallas, 1776)
Verspreiding van die witdolfyn

Die witdolfyn of beloega (Delphinapterus leucas) is 'n Arktiese en sub-Arktiese walvisagtige soogdier. Die witdolfyn vorm saam met die narwal die familie Monodontidae. Die witdolfyn is bekend vir sy hoë-frekwensie gekwetter en spierwit kleur. Baie walvisagtiges sal soms die lewe skenk aan albino kleintjies wat dan verkleur namate hulle ouer word, maar die witdolfyn word al witter namate dié ouer word. Witdolfyne kan tot 5 m lank word en het 'n kenmerkende boggel op sy hop.

Hulle woon in klein groepies van tussen twee en vyftien diere. Hierdie groepies bestaan uit wyfies en hulle kleintjies of uitsluitlik uit mannetjies. Hulle jag in vlakkerige water en vreet hoofsaaklik vis. Hulle kan tot 800 meter diep duik

Na 'n dragtydperk van 14 tot 15 maande skenk die wyfie geboorte. Die kleintjies het oorspronklik 'n gryserige kleur, wat vervaag soos hulle ouer word.