Yankee

Al Yankee (a s lèś /ˈjæŋkɪ/ in ingléś) l'è na paròla druàda p'r batśàr 'n americàṅ uriginàri dla regiòṅ dal New England, la part a nòrd-èst dal paéś ch'la mét insém al Maine, al New Hampshire, al Massachusetts, al Vermònt, al Connecticut e 'l Rhode Island. In Európa però quànd a s dascór 'd un Yankee a s pénsa subìt a 'n americàṅ in generàl.

In 'n afurìśma ch'a s pénsa 'l sia dal scritōr E. B. White a s diś:

• p'r i Furastēr, un Yankee 'l è 'n Americàṅ;
• p'r i Americàṅ, un Yankee 'l è 'n Nurdìsta;
• p'r i Nurdìsta, un Yankee 'l è òṅ d'l Èst.
• par qvéi d'l Èst, un Yankee 'l è òṅ dal New England;
• par qvéi dal New England, un Yankee 'l è òṅ dal Vermònt;
• par qvéi dal Vermònt, un Yankee 'l è òṅ ch'al magna dal tórti par clasiòṅ.

Na canta ligàda a i Yankee, e adès canta ufisiàla dal stat dal Connecticut, l'è „Yankee Doodle“ ch'l'éra dimóndi famóśa durànt la guèra 'd indipendénsa americàna (1775-1783).