Yurta

Yurta
Yurt (tr)

L'artesanía tradicional del ger mongol y les costumes conexes

Patrimoniu de la Humanidá — UNESCO
Una yurta o ger mongola.
Llugar	Mongolia
Criterios	inmaterial:
Referencia	00872
Inscripción	2013 (XXXVII Sesión)
Área	Asia y Pacíficu

Conocencies y téuniques tradicionales venceyaos a la fabricación de yurtas kirguises y cazaques (hábitat nómada de los pueblos túrquicos)

Patrimoniu de la Humanidá — UNESCO
Yurta tradicional kirguís.
Llugar	Kazakstán
Criterios	Cultural inmaterial:
Referencia	00998
Inscripción	2014 (XXXVIII Sesión)
Área	Asia y Pacíficu

La yurta (en mongol: гэр; romanización: ger)^[1] ye una vivienda utilizada polos nómaes nes estepes d'Asia Central. Distintos pueblos usaron esti tipu de vivienda dende la Edá Media. Na Edá Media, la vida nómada de los mongoles obligó a que tuvieren una vivienda pa los sos constantes desplazamientos. Esta tienda de campaña taba protexida por una gruesa cubierta, yera bono de tresportar y óptima pa soportar los intensos cambeos climáticos de Mongolia.

La visita a una yurta implicaba un rigorosu ritual protocolariu. Podía executase a una persona pol solu fechu d'entrar na yurta d'un mandatariu ensin anunciar primeramente la so visita. La so influencia na cultura d'Asia Central vese reflexada nos diseños del escudu de Kazakstán y la bandera de Kirguistán, dambos adoptaos en 1992.

L'artesanía tradicional relativa a la yurta mongola foi designada como Patrimoniu Cultural Inmaterial de la Humanidá pola Unesco el 5 d'avientu de 2013.^[2] Al añu siguiente, el 26 de payares de 2014, igualmente foi designada l'artesanía de la yurta kirguís y cazaca.^[3]

1. ↑ Nómades pel hibiernu (LaVanguardia.com, 8 de febreru de 2005 y 31 de mayu de 2006)
2. ↑ «llista representativa_del patrimoniu cultural_inmaterial_de_la humanidá/#.VHzLxjGG-AU Once nuevos elementos inscritos na Llista Representativa del Patrimoniu Cultural Inmaterial de la Humanidá editorial=Unescopress» (castellanu) (5 d'avientu de 2013). Consultáu'l 1 d'avientu de 2014.
3. ↑ «Diez nuevos elementos na Llista representativa del patrimoniu cultural inmaterial» (castellanu). Unescopress (26 de payares de 2014). Consultáu'l 1 d'avientu de 2014.