Zephyrinus

Dr Zephyrinus († 20. Dezämber 217 z Rom) isch vu ebbe 198 bis 217 Bischof vu Rom gsii. Sy Name bedytet: „Dr Weschtwind“ (griech./latein.)

In dr katholische Chilche isch sy Gedänkdag dr 20. Dezämber. Är wird as Mann mit wenig Intelligenz oder Karaktersterki bschribe, un d Kontroverse vu syre Amtszyt wäre besser em Hippolytus un em Calixt zuegschribe. Dr Calixt isch sy wichtigschte Rotgeber un au Noofolger gsii. Vum Zephyrinus isch di erscht dogmatisch Verchindig im Wortlaut iberliferet: „Ich waiß e Gott, Jesus Chrischtus, un ußer ihm kai andere, wu uf d Wält chuu isch un glitte het.“