pinpu

aicu a pinpu, lja sinipungadan tua pinpu/pepu, avan a sipakeljakeljang tua kacalisian a penuljat i taiwan paka sihu tazua. saka izua uta zuma a ngadan pinaka 高山族, avan na caucau na kivaljut kaimaza i makagadu a kadjunangan a kacalisian aicu a imi. ljakua pasusu tua kinkiu itua kinateveteveljan patjara supuan katua bunka, tiamadju na makeljang tu aicu pinpu inika amin ita a zuku, avan sika tja qivu tu 平埔族群 siaya. au tucu aicu a 平埔族群 inika ljemaui tjayamadju masan tua 原住民族 nia sihu, amin a kebalan zuku nakitjuvaday kemasi amis zuku.

kasicuayan izua liaw a siqivuan pakatua pinpu a zuku. ka heland katua sipanya a sivitai mangetjez imaza tuzua izua 土著 a siyaya, au ka cin a djiday izua 化番 katua 熟番, lja aicu a 化番 katua 熟番 a caucau na imazamaza i lizuk a sikac, avan sika izua uta zuma a siqivuan 平埔仔, 埔仔人 katua 平埔番siaya（pinairangan：Pêⁿ-po͘-hoan；binaljakan：Pepohoan）, siyanga aicu a 平埔 a vecik izua kazatjan a imi. au djemaljun ta ripun na djemadjas ta taiwan a kadjunangan, izua ita a sunatj pinaka《臺灣蕃人事情》, na kiruku tu aza kacalisian nua i taiwan izua 高山族 katua 平埔族, ljakua tazua aza pinpu zuku na seman undu niamadju lja pavalitan tua ngadan tu 東寧族. ka minkuku a djiday, aicu a aljak nia pinpu zuku palemek tu maqulip anga azua taqaljan a vinarungan, manu inika ljemaui tu kacalisian paka hulic nia sihu tucu. lja tucu izua pazulju mareka kinkiu itua zuku nua i taiwan, avan sika aicu a cinalivatan pakatua pinpu zuku na masan pazangal itua nia siakai.