Stefania Casini

La Stefania Casini (Vila 'd Ciàvena, 4 ad Setémbar dal 1948), l'è n'atōra e regìsta itagliàna, vice-presidènta dl'asuciasiòṅ di ducumentarìsta itagliàṅ, la Doc/it^[1].

In dal 1978 l'à preśentâ 'l Fèstival ad Sanremo insém a Beppe Grillo, a la Maria Giovanna Elmi e a Vittorio Salvetti.

La Stefania, cun na làurea in architetùra in bisàca e dòp avér studiâ recitasiòṅ, da śōvna la taca a lauràr a teàtar. Pietro Germi al gh buta gl'òć adòs e al la sarnìs par la part dla Carla, inamuràda 'd Gianni Morandi, in Le castagne sono buone dal 1970.

Dòp soquànt rōi secundàri, cuma in dal film D'amore si muore dal 1971, la cata 'l sucès faghénd la Lisa in La cugina 'd Aldo Lado e pò, incóra da piò, la putàna c'n al gòmit epilètic in Novecento ad Bernardo Bertolucci in dua la fà dabòṅ na pugnéta a Robert De Niro e a Gérard Depardieu. In chi al lè la s cava śò p'r un servìsi ad Playboy e la lavóra cun Andy Warhol e Paul Morrissey in Dracula cerca sangue di vergine... e morì di sete!!!.

In dal 1977 la fà la Sarah (e na bruta fîṅ) in dal film ad scarésa ad Dario Argento Suspiria. 'L an dòp la tōś part a Ciao maschio ad Marco Ferreri e a 'l thriller Solamente nero 'd Antonio Bido. In di an Utànta la gh dà 'n taj c'n al lavōr dl'atōra, tacànd a far la giurnalìsta e regìsta par la RAI, a part soquànti pelìculi cuma Il ventre dell'architetto ad Peter Greenaway e Maledetto il giorno che t'ho incontrato ad Carlo Verdone.

• 1970 - Le castagne sono buone, regìa ad Pietro Germi
• 1972 - D'amore si muore, regìa ad Carlo Carunchio
• 1973 - Un modo di essere donna, regìa ad Pier Ludovico Pavoni
• 1974 - La cugina, regìa 'd Aldo Lado
• 1974 - Dracula cerca sangue di vergine... e morì di sete!!!, regìa ad Paul Morrissey (1974)
• 1974 - Squadra volante, regìa ad Stelvio Massi
• 1975 - Non si scrive sui muri a Milano, regìa ad Raffaele Maiello
• 1975 - Nella profonda luce dei sensi, regìa ad Beni Montresor
• 1975 - L'ambizioso, regìa ad Pasquale Squitieri
• 1975 - Geometra Prinetti selvaggiamente Osvaldo, regìa ad Ferdinando Baldi
• 1975 - Prossima apertura casa di piacere (Le grand délire), regìa ad Dennis Berry
• 1976 - Come ti rapisco il pupo, regìa ad Lucio De Caro
• 1976 - Luna di miele in tre, regìa ad Carlo Vanzina
• 1976 - Novecento, regìa ad Bernardo Bertolucci
• 1976 - I prosseneti, regìa ad Brunello Rondi
• 1977 - Il male di Andy Warhol (Bad), regìa ad Jed Johnson
• 1977 - L'affare s'ingrossa, regìa ad Giovanni Narzisi
• 1978 - Suspiria, regìa ad Dario Argento
• 1978 - Ciao maschio, regìa ad Marco Ferreri
• 1978 - Come perdere una moglie e trovare un'amante, regìa ad Pasquale Festa Campanile
• 1978 - Solamente nero, regìa 'd Antonio Bido
• 1979 - Ammazzare il tempo, regìa ad Mimmo Rafele
• 1979 - Dedicato al mare Egeo, regìa ad Masuo Ikeda
• 1980 - Parano, regìa ad Bernard Dubois
• 1983 - Lontano da dove, regìa dla Stefania Casini e dla Francesca Marciano
• 1987 - Il ventre dell'architetto (The Belly of an Architect), regìa ad Peter Greenaway
• 1992 - Maledetto il giorno che t'ho incontrato, regìa ad Carlo Verdone
• 2014 - Maicol Jecson, regìa 'd Enrico Audenino e ad Francesco Calabrese

• 1983 - Lontano da dove insém a la Francesca Marciano
• 1988 - Fun Jump
• 1997 - Un paradiso di bugie
• 2012 - Made in Albania – ducumentàri

• (EN) Filmugrafìa in s'l IMDb