Airbus A320

Airbus A320
A300 · A310 · A318 · A320 · A330 · A340 · A350 · A380
Lufthansa A320-211
Tipe	Smalromp passasierstraler
Vervaardiger	Airbus
Ontwerp deur	Airbus
Nooiensvlug	22 Februarie 1987
Bekendstelling	28 Maart 1988 met Air France
Status	In gebruik
Hoofgebruikers	American Airlines US Airways[1] EasyJet China Southern Airlines China Eastern Airlines
Aantal gebou	10 997 (teen Jul 2023)[2]
Eenheidskoste	Teen 2018 pryse:[3] A318: VS$ 77.4 miljoen A319: VS$ 92.3 miljoen A320: VS$ 101.0 miljoen A321: VS$ 118.3 miljoen.

Die Airbus A320-familie bestaan uit kort- tot mediumreeks smalromp, kommersiële passasiersvliegtuie vervaardig deur Airbus. Die familie sluit die A318, A319, A320 en A321, asook die ACP besigheidstraler in. Die A320s word ook genoem A320ceo (met die huidige enjinopsie) na die bekendstelling van die A320neo.^[4] Finale montering van die vliegtuigfamilie word in Toulouse, Frankryk en Hamburg, Duitsland, gedoen. Aan die begin van 2009 het 'n aanleg in Tianjin, China ook begin met die vervaardiging van Airbusvliegtuie vir die Chinese mark.^[4] In April 2013 het Airbus 'n nuwe produksiefasiliteit vir die A319, A320, A321 en variasies begin bou in Mobile, Alabama.^[5] Die vliegtuigfamilie kan tot 220 passasiers akkommodeer en het 'n reikafstand van 3 100 tot 12 000 km (1 700 tot 6 500 seemyl), afhangende van die model.

Die eerste lid van die A320 familie – die A320 – is in Maart 1984 van stapel gestuur met sy nooiensvlug op 22 Februarie 1987. Die famile het gou uitgebrei om die A321 (eerste aflewering in 1994), die A319 (1996), en die A318 (2003) in te sluit. Die A320-familie word 'n baanbreker in die gebruik van digitale "fly-by-wire" vlugbeheerstelsels, sowel as systokkontroles, in kommersiële vliegtuie. Sedert sy bekendstelling is daar voortdurende verbeteringsprosesse in plek.

• 
  Planfoto van 'n IBERIA A320 wat vanaf Londen Heathrow opstyg.
• 
  Air Inter se A320-100 in 1991, een van die min A320-100s.
• 
  Die stuurkajuit van 'n A321.
• 
  Alitalia was die tweede gebruiker van die A321, na Lufthansa.
• 
  A319 se linkervlerk met sy drukvin vol ontplooi gedurende landing. S7 Airlines, Moskou-Pavlodar.
• 
  'n Virgin America Airbus A320 "Enhanced" ekonomiese klas met LED-kajuitbeligting.

1. ↑ "US Airways' final flight closes curtain on another major airline". USA Today. 16 Oktober 2015. Geargiveer vanaf die oorspronklike op 21 Oktober 2015. Besoek op 22 Oktober 2015.
2. ↑ "Airbus Orders and Deliveries" (XLS). Airbus. 31 Julie 2023. Geargiveer vanaf die oorspronklike op 10 Februarie 2019. Besoek op 5 Augustus 2023.
3. ↑ "AIRBUS AIRCRAFT 2018 Average List Prices" (PDF). airbus.com. Airbus. Geargiveer (PDF) vanaf die oorspronklike op 15 Januarie 2018. Besoek op 15 Januarie 2018.
4. ↑ ^{4,0 4,1} "Airbus A320 (A320ceo en A320neo) vliegtuigfamilie" (in Engels). Airbus.com. 3 Maart 2013. Geargiveer vanaf die oorspronklike op 9 Junie 2017. Besoek op 21 April 2013.
5. ↑ Construction Review. Airbus Begins Work on $600 million Assembly Line in Alabama. URL besoek op 12 April 2013.^{[dooie skakel]}