At-Tawbah

At-Tawbah (Arabies: ٱلتَّوْبَة, "Die Boetedoening")^[1] is die 9de soera, of hoofstuk, van die Koran. Dit bevat 129 ajat, of verse, en is een van die laaste Medinese soeras, wat beteken dit is vermoedelik in Medina geopenbaar en nie in Mekka nie.

Dié soera is na berig word geopenbaar in die tyd van die Slag van Taboek in Medina in die 9de jaar van die hidjra. Dit is die enigste soera van die Koran wat nie begin nie met Basmala, die gewone openingsin, "In die Naam van Allah, die Barmhartige, die Genadige.". Dit behandel feitlik dieselfde onderwerpe as dié in Al-Anfal. In teenstelling met alle ander soeras, het Mohammed nie opdrag gegee dat die openingsin aan die begin van die soera geplaas word nie.^[2]

1. ↑ Die Heilige Quran. In Afrikaans vertaal deur Imam M.A. Baker. Uitgegee deur IDM (Islamic Dawah Movement of Southern Africa) Publications. ISBN 978-0-620-60451-2
2. ↑ Ünal, Ali. (2008). The Qurʼan with annotated interpretation in modern English. Somerset, N.J.: Tughra Books. p. 385. ISBN 978-1-59784-144-3. OCLC 234244740.