Chakra

Chakra (afgelei van die Sanskrit cakraṃ चक्रं, letterlik wiel of skyf) verwys in tantriese Hindoeïsme, tantriese Boeddhisme (Vajrayana), Joga, tradisionele Sjinese medisyne en in sommige esoteriese leringe na gepostuleerde subtiele energiesentra in die vorm van wielagtige energie vortekse tussen die liggaam en die subtiele liggaam (eteriese dubbelganger van die mens). Dié word deur subtiele energiekanale verbind.^[1] Die energie deurdring die lae van die subtiele liggaam vanaf 'n punt in die fisiese liggaam in 'n al hoe groter wordende waaiervromige formasie wat saam 'n hartvorm te weeg bring. Hierdie roterende vortekse van subtiele materie word as die brandpunt vir die ontvangs en transmissie van energie beskou.^[2]

Antieke Indiese en Tibetaanse geskrifte praat van 72 000 tot 350 000 energiekanale in die liggaam. Ook die Hopi, Inka en Maya verwys na die chakras. Sewe van die chakras word as hoofenergiesentra van die mens gesien en is langs die ruggraat of die vertikale as van die liggaam geleë. Hierdie chakras word deur aangenome energiekanaal Sushumna verbind, waardeur ook die Kundalini-krag opstyg. Die onderskeie leerskole verskil oor die details soos die aantal en presiese ligging van die chakras. Daar bestaan nie enige natruurwetenskplike ondersteuning vir die bestaan van chakras nie.

1. ↑ Charles Webster Leadbeater. The Chakras. p. 1.
2. ↑ John Cross, Robert Charman. Healing with the Chakra Energy System. pp. 17–18.