FIFA Sokker-Konfederasiebeker in 1999

FIFA Sokker-Konfederasiebeker

Copa Confederaciones México ’99
Toernooi-inligting
Gasheerland	Meksiko
Datums	24 Julie – 4 Augustus
Spanne	8 (van 6 konfederasies)
Stadions	2 (in 2 stede)
Finale uitslag
Kampioene	Meksiko (1 titel)
Tweede plek	Brasilië
Derde plek	Verenigde State
Vierde plek	Saoedi-Arabië
Toernooi-statistieke
Wedstryde gespeel	16
Doele	55 (3.44 per wedstryd)
Bywoning	970 000 (60 625 per wedstryd)
Meeste punte	Cuauhtémoc Blanco Ronaldinho Marzouk Al-Otaibi (6 doele elk)
Beste speler	Ronaldinho
← 1997 2001 →

Die FIFA Sokker-Konfederasiebeker in 1999 (Spaans: Copa Confederaciones México ’99; Engels: FIFA Confederations Cup) is van 24 Julie tot 4 Augustus 1999 in Meksiko aangebied. Dit was die tweede sokker-konfederasiebeker wat onder FIFA se vaandel aangebied is. Die eerste twee toernooie in 1992 en 1995 is onder die naam Koning Fahd-beker aangebied en terugwerkend deur FIFA as Sokker-Konfederasiebekertoernooie erken.

Die gasheer Meksiko het die toernooi gewen nadat hulle die verdedigende kampioen Brasilië in die eindstryd geklop het. Die Verenigde State het in die derde en Saoedi-Arabië in die vierde plek geëindig. Dit was die tweede toernooi waartydens die goue doel-reël vir die beslissing van ’n wedstryd ingespan is, dié reël is ook vir die vorige 1997- en die twee daaropvolgende 2001 en 2003-toernooie ingespan, maar daarna weer geskrap.