Hakka

Hierdie artikel handel oor die taal. Vir die etniese groep, sien Hakka (volk).

Hakka 客家語/客家语/客家話/客家话 Kèjiāhuà
Gepraat in:	Volksrepubliek China  Republiek van China  Thailand  Maleisië  Hongkong  Japan  Singapoer  Indonesië  Mauritius  Suriname  Suid-Afrika  Indië  Viëtnam
Gebied:	Guangdong, Fujian, Jiangxi, Taiwan
Totale sprekers:	48 210 500 (moedertaal) 248 000 (tweede taal)[1]
Taalfamilie:	Sino-Tibettaans  Chinees   Hakka
Skrifstelsel:	Chinese karakters Latynse alfabet
Amptelike status
Amptelike taal in:	Republiek van China
Gereguleer deur:	geen
Taalkodes
ISO 639-1:	zh
ISO 639-2:	chi/zho
ISO 639-3:	hak
Nota: Hierdie bladsy kan IFA fonetiese simbole in Unicode bevat.

Hakka of Kejia (Vereenvoudigde Chinees: 客家话, Tradisionele Chinees: 客家話, pinyin: Kèjiāhuà, letterlik: "Hakka-taal") is 'n Sino-Tibettaanse taal of 'n dialek van Chinees wat in die Volksrepubliek China, die omstrede Republiek China op Taiwan, Singapoer en deur Chinese oorsese gemeenskappe in Indië, Indonesië, Japan, Maleisië, Mauritius, Singapoer, Suid-Afrika, Suriname, Thailand en Viëtnam gepraat word. Die taal het sowat 48,5 miljoen sprekers en is daarmee die sesde mees verspreide dialek van Chinees naas Mandaryns, Wu, Kantonees, Min en Xiang. Dit is die naaste verwant aan Gan en word veral in die Suidoos-Chinese provinsies Guangdong, Fujian en Jiangxi deur die Hakka-volk gepraat.

Hakka het 48 210 500 moedertaalsprekers, terwyl sowat 248 000 mense dit as 'n tweede taal praat. Soos die ander Chinese tale word Hakka met Chinese karakters geskryf, maar soms ook met 'n gemodifiseerde Latynse alfabet. In Desember 2017 het Hakka 'n amptelike taal van die Republiek China op Taiwan geword, saam met Chinees en Formosaanse tale.^[2]

1. ↑ "Ethnologue: Languages of the World, Seventeenth edition, Chinese, Hakka" (in Engels). Ethnologue. Geargiveer vanaf die oorspronklike op 6 Mei 2020. Besoek op 24 Februarie 2018.
2. ↑ "Hakka made an official language" (in Engels). Taipei Times. 30 Desember 2017. Geargiveer vanaf die oorspronklike op 25 April 2020. Besoek op 24 Februarie 2018.