Hermosillo

Hermosillo
Kaart	Wapen
	Vlag
Land	Meksiko
Deelstaat	Sonora
Koördinate	29°06′N 110°57′W / 29.100°N 110.950°W / 29.100; -110.950
Gestig op	18 Mei 1700
Oppervlakte:
- Totaal	14 880,2 vk km
Hoogte bo seevlak	216 m
Bevolking:
- Totaal (2010)	715 061
- Bevolkingsdigtheid	43/vk km
- Metropolitaanse gebied	784 322
Tydsone	CST (UTC -6)
Somertyd	CDT (UTC -5)
Klimaat
- Tipe	Subtropiese klimaat
- Gemiddelde jaarlikse temperatuur	24,9 °C
- Gem. temp. Januarie/Julie	16,9 / 32,4 °C
- Gemiddelde jaarlikse neerslae	365,7 mm
Burgemeester	Alejandro López Caballero
Amptelike Webwerf	hermosillo.gob.mx

Hermosillo (Spaans: [eɾmoˈsiʎo], voorheen Santísima Trinidad del Pitic en Presidio del Pitic) is die hoofstad en grootste stad van die noordwestelike Meksikaanse deelstaat Sonora en is op 18 Mei 1700 deur Spanjaarde onder die conquistador Juan Bautista Escalante gestig. Die stad het 'n bevolking van 715 061 en van 784 322 in die metropolitaanse gebied in 2010 gehad en het 'n oppervlakte van 14 880,2 km².

Hermosillo is geleë net oostelik van die Golf van Kalifornië, suidwes van Ciudad Juárez en suidoos van Mexicali. Die grens tot die Verenigde State is 270 kilometer in die noorde geleë.

In 1828 is die stad ná die generaal en vegter vir onafhanklikheid José María González de Hermosillo vernoem. Tydens die Meksikaanse Rewolusie het Hermosillo vir 'n paar maande as hoofstad van Meksiko en setel van die kabinet van Venustiano Carranza gedien.

Sedert die stigting van die NAFTA saam met Kanada en die VSA op 1 Januarie 1994 het die stad 'n ekonomiese groei ervaar, veral deur Amerikaanse en Meksikaanse maatskappye.