Lotus F1-span

Vir die vroeëre renspan, sien Team Lotus (1958-1994).

Die Lotus F1-span was 'n Britse Formule Eenmotorwedrenspan. Die span het onder die Lotusnaam deelgeneem sedert 2012, na aanleiding van die naamsverandering van die voormalige Renaultspan gebaseer in Enstone in Oxford. Die Lotus F1-span was besit deur Luxemburg-gebaseerde waagkapitaalgroep Genii Capital, wat die span weer aan Renault terugverkoop het op 18 Desember 2015.

Lotus F1-span is vernoem na sy handelsmerkvennoot Group Lotus. Die span het 'n wedren gewen en die vierde posisie behaal in die F1-wêreldvervaardigerskampioenskap in hul eerste seisoen (2012) onder die Lotusvaandel.