Nuwekloofpas

Nuwekloofpas (ook bekend as Tulbaghkloof en Roodezandkloof) is 'n bergpas wat in die vallei van die Klein-Bergrivier loop. Ook die spoorlyn na die noorde volg hierdie roete. Dit verbind die R44 vanaf Wellington met die R46 wat na Tulbagh lei. Gouda lê by die westelike ingang van die kloof. Reeds in die middel van die 18de eeu is die kloof deur ossewaens gebruik om die Land van Waveren te bereik. In 1859 het Thomas Bain die roete uitgemeet. In die jare 1966 tot 1968 is die pas ingrypend verbeter. Dus bereik die pad nou 'n hoogtepunt van 130 m bo seevlak en 'n gemaklike maksimum helling van 1:18.