Oopbronsagteware

Oopbronsagteware (Engels: open source software) verwys na sagteware waarvan die bronkode vrylik beskikbaar, veranderbaar en kopieerbaar is. Sogenaamde Open Source lisensies, dit wil sê lisensies wat deur die Open Source Initiative (OSI) goedgekeur is, word aangewend om die gebruikersterme van oopbronsagteware te bepaal.

Die beginsel van oopbronsagteware is in teenstelling met sagteware bestaande uit geslote bronkode (Engels: closed source software), soos byvoorbeeld Microsoft Windows en Internet Explorer, deurdat laasgenoemde nie vrylik in 'n leesbare formaat beskikbaar is nie en ook nie gekopieer of verander mag word nie.

Een van die bekendste oopbronlisensies is die GPL (Engels: General public license) [1]. Volgens hierdie lisensie word veranderinge vrylik toegelaat alhoewel daar aan sekere voorwaardes voldoen moet word, wat daarop neerkom dat indien jy jou veranderinge wil versprei, jy die bronkode daarvan óók vrylik beskikbaar moet stel.

Voorbeelde van bekende oopbronsagteware is:

• Linux
• Gnome
• Debian
• Ubuntu
• Cygwin
• Free Pascal
• Freevo
• Mozilla Firefox
• LibreOffice

Voorbeelde van programmeertale wat ook oopbronsagteware is:

• PHP
• Python