OpenAI

OpenAI is 'n kunsmatige intelligensie (KI) navorsingslaboratorium wat bestaan uit die winsgewende korporasie OpenAI LP en sy moedermaatskappy, die nie-winsgewende OpenAI Inc. Die maatskappy doen navorsing op die gebied van KI met die verklaarde doel om vriendelike KI te bevorder en te ontwikkel op 'n manier wat die mensdom as geheel bevoordeel. Die organisasie is laat in 2015 in San Francisco gestig deur Sam Altman, Elon Musk en ander, wat gesamentlik US$1 miljard belowe het. Musk het in Februarie 2018 uit die direksie bedank, maar het 'n skenker gebly. In 2019 het OpenAI LP 'n belegging van US$1 miljard van Microsoft en Matthew Brown Companies ontvang. OpenAI het sy hoofkwartier in die Pioneer-gebou in Mission District, San Francisco.