Pepergras

Pepergras
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
Orde:	Ranunculales
Familie:	Ranunculaceae
Subfamilie:	Ranunculoideae
Tribus:	Ranunculeae
Genus:	Ranunculus
Spesie:	R. muricatus
Binomiale naam
Ranunculus muricatus L. (1753)

Pepergras (Ranunculus muricatus) is 'n uitheemse plant aan Suid-Afrika.^[1] Die plant stam uit die Middellandse Seegebied, maar kom nou ook in ander gebiede van die wêreld voor soos in Engeland^[2] en die Verenigde State.^[3]

Dit is 'n eenjarige kruidgewas – nie 'n gras nie – wat 15–50 cm hoog kan word. Dit het afwisselende blare en alleenstaande blomme wat geel van kleur is. Hulle word deur vlieë bestuif. Die stele is lank en die plant het 'n pepersmaak wat sy naam verklaar. Alle dele van die plant is giftig, en dit bevat 'n sterk suur sap wat velblase veroorsaak. Verhitting en droging vernietig die gif.^[2]

1. ↑ "SANBI-rooilys". Geargiveer vanaf die oorspronklike op 24 Mei 2020.
2. ↑ ^{2,0 2,1} "Pfaf" (in Engels). Geargiveer vanaf die oorspronklike op 4 Junie 2011.
3. ↑ "USDA" (in Engels). Geargiveer vanaf die oorspronklike op 17 Mei 2017.