Sharirivier

Sharirivier
'n Uitsig oor die Sharirivier.
Die stroomgebied van die Sharirivier.
Oorsprong	Verskeie bronriviere in Darfoer, die Noord-Ekwatoriale drempel en die Hoogland van Adamaua onderskeidelik Soedan, Kameroen en die Sentraal-Afrikaanse Republiek
Monding	Tsjadmeer, naby N'Djamena op die grens tussen Kameroen en Tsjad
Stroomgebied	Sentraal-Afrikaanse Republiek, Kameroen, Tsjad
Lengte	1 400 km (870 myl)
Mondinghoogte	280 m (919 vt)
Gemiddelde afloop	1 59 m³/s
Stroomgebiedopp.	650 000 km² (250 000 myl²)

Die Sharirivier (Engels: Chari River; Frans: Chari) is 'n groot noordwes-vloeiende rivier in Sentraal-Afrika. Die rivier is met 'n lengte van 1 400 km die grootste invloei van die Tsjadmeer.

Die Sharirivier ontstaan uit die saamvloei van verskeie bronriviere wat in Darfoer, die Noord-Ekwatoriale drempel en die Hoogland van Adamaua ontspring en onderskeidelik in Soedan, Kameroen en die Sentraal-Afrikaanse Republiek geleë is. Dikwels word die rivierloop vanaf Sarh as die eintlike Sharirivier beskou. Aansluitend vloei die rivier in 'n noordwestelike rigting deur Tsjad, voordat by N'Djamena, die land se hoofstad, die Logone in die Sharirivier uitmond. Vanaf hier vorm die rivier die grens tussen Kameroen in die weste en Tsjad in die ooste. Verder noord vloei die Sharirivier in die Tsjadmeer.