Slurpdiere

Proboscidea Tydperk: 60–0 m. jaar gelede Ps Es Os Ms Pl Ps
'n Savanne-olifant
Wetenskaplike klassifikasie
Koninkryk:	Animalia
Filum:	Chordata
Subfilum:	Vertebrata
Klas:	Mammalia
Infraklas:	Placentalia
Superorde:	Afrotheria
Orde:	Proboscidea Illiger, 1811
Families
Sien teks

Slurpdiere of olifantagtiges (Proboscidea) is 'n orde van soogdiere wat slegs een familie van lewende diere, naamlik Elephantidae bevat. Die familie bevat op sy beurt drie lewende spesies olifante (die Afrika savanne-olifant, Afrika-woudolifant en die Asiatiese olifant).^[1]

Die orde bevat ook verskeie fossiele van olifantagtige spesies wat gedurende die vorige ystydperk geleef het, onder andere mammoete en mastodonte. Die naaste verlangs verwante spesies wat vandag nog leef is die dassies en sirenes (Engels "sea cows", plantetende akwatiese soogdiere van die familie Dugongidae, wat egter nie verwar moet word met die Afrikaanse "seekoeie" nie).

Die oudste spesie in die orde dateer uit die vroeë Paleogeen-tydperk, meer as 50 miljoen jaar gelede. Die evolusie van olifantagtige diere behels hoofsaaklik die verhouding van die skedel en kake en die vorm van die ivoor- en kiestande.

1. ↑ ↑ Shoshani, Jeheskel; Wilson, Don E. and Reeder, DeeAnn M. (eds) 2005. Mammal species of the world. 3rd ed, Baltimore: Johns Hopkins University Press, 2 vols, pp. 90-91. ISBN 978-0-8018-8221-0