Stofsuier

'n Stofsuier is 'n apparaat wat gebruik word om huise skoon te maak deur stof en ander vuilgoed op te suig. Meeste stofsuiers is van 'n sterk elektriese motor voorsien wat 'n sentrifugale pomp laat draai en dan 'n suigaksie veroorsaak. Die stof word gewoonlik in 'n stofsak of waterbak opgevang, wat af en toe skoongemaak moet word.

Die stofsuier is in ongeveer 1900 uitgevind, maar eers vanaf 1960 het stofsuiers so bekostigbaar geword dat hulle deur die massamark aanvaar is. Voor dit is matte meestal gevee of buite met 'n matklopper uitgeslaan.