Bach

Ä Bach isch ä flüüssends natürlichs Gwässer.

Räge, wu underä Bodä versickäräd, chunnt irgendwo wider a d Oberflächi und bilded döt e chlises Bächli. Das passiert vor Allem höch uf de Bärge, aber au im Flachland. Fascht immer sueched denn diä chliine Bäch ihrä Wäg. Ass äine gad wider versickered, isch nur sälte. Si sammled sich zu Flüss und wärded immer grösser. Grossi Flüss i dr Schwiiz sind de Rhii, de Rotte, d Aare, d Rüüss, de Inn, de Tessin und d Mera. I de Meeresregiuune vertäiled sich diä groosse Ström mängmal i verschidene Flussärm – dem säid mer äs Delta.