Franken (Volk)

D Franke sind es weschtgermanisches Volch gsii, wo i de Völkerwanderig im 4. Johrhundert usem Rhiigibiet is Römischi Riich ddrunge sind, wo si es Riich gschaffe händ, wo Teil vom hüttige Frankriich und em tüütsche Franken umfasst händ.

Die erschti fränkischi Dynastii sind d Merowinger gsii, und die si ageblich vo de Sicambri abgstammt. Si händ prichted, das si ire Name ggändered hegid, nach emene Aafüerer namens Franko, wo d Sicambri nachere Niderlag gäge d Römer 11 v. Chr. über de Rii umgsidled worde segid – wa aber historisch nöd so stimmt.

D Herrschaft vo de Karolinger hät im 751i aagfange mitem Pippin em Churze, em Vatter vom Karl em Grosse.