Heilige Messe

Häiligi Mäss isch in dr römisch-katholische Chille und in de katholische Chille, wo vo dr röömisch-katholische abstamme, dr Naame, wo für e öicharistisch Gottesdienst brucht wird. Die häiligi Mäss bestoot us zwäi Hauptdäil: dr „Liturgii vom Wort“ (Wortgottesdienst) und dr „öicharistische Liturgii“. Die bäide si äng mitenand verbunde und bilde e gottesdienstligi Äihäit. Vor ene git s Eröffnigsrite und noch ene Abschlussrite.^[1] S Wort Mäss chunnt vom Satz wo d Mäss in dr latiinische Liturgii abschliesst: „Ite, missa est!“, „Gönged in Friide“, wörtlig „Gönged, es isch usgschickt worde!“.

D Mäss ghöört mit em Stundegebät und em Spände vo de andere Saktamänt und Sakramäntalie zur Liturgii vo dr Chille, im Gegesatz zu Forme vo dr Volksfrömmikäit und de sogenannte fromme Üebige.

1. ↑ Sekretariat vo dr Dütsche Bischofskonferänz: Missale Romanum. Editio typica tertia 2002, Grundordnung des Römischen Messbuchs, Vorabpublikation zum Deutschen Messbuch (3. Uflaag) (PDF; 545 kB); Arbetshilfe Nr. 215; Bonn 2007; 28