Hochspannungsleitung

Ä Hochspannigsläitig isch ä Stromläitig für d' Überträgig vu eleggtrischer Energie über wiiti Dischtanze. D' Regelspannige gühnd vu 10 bis 380 Kilovolt. Mäischtens redt mer vu 110-, 220-, und 380-kV-Läitige, wobii die Zahle nüd immer exaggt stimmä. Si sind - abgsee vu Niderspannigsläitige - fascht immer oberirdisch buut und vu dem här er Augemergg. So cha mer technischi Störige vill äifacher orte.

Über de eleggtrische Dräht bruuchst ä Blitzableiter. Das isch es Säil wu über de Maschte feschtgmacht ischt. D' Maschte sind mäischtens Beton- oder Stahlpföschte. Für di höchere Spannige werdet metalligi Gittermaschte verwändet. D' Maschte underschäidet sich je nach Aaordnig vu de Dräht i d' Kategoriä Donaumaschte, Tonnämaschtä, Tannäbäummaschte und Äiebamaschte. Für d' Isolaziuu het mer nach 'me Material gsuecht, wu zwar cha Isoliere, aber au d'r Hitz cha standhalte. Drum sind d' Isolatore us Porzellan. Sälte bruucht mer Kunschtoffisolatore.

Di oberirdisch Liniäfüehrig het dur Folg, ass mer bim Buu vu-n-erä Laitig oft mues äs Hindernis überquerä. Äs Kapitel für sich sind drum d' Friiläitigschrüzigä.

Ä Spezialität sind d' Bahnstromläitige.