ISO 3166-2:CH

D Lischte vo de ISO 3166-2-Codes für d Schwiz enthaltet d Codes für die 26 schwizerische Kantön.

D Codes beschtönd us zwei Teile, wo dur en Bindeschtrich (typografisch au Divis gnännt) vonenand trennt sind. Dr erschti Teil git de Landescode gmäss ISO 3166-1 (für d Schwiz CH), dr zweiti en Abchürzig für de Kanton wider.

Die sind bereits am 26. August 1986 vo dr Schwizerische Norme-Vereinigung feschtgleit worde und vo dr ISO 1998 international für gültig erchlärt. Änderige häts bisher nur eini geeh; si isch im fünfte Newsletter bekannt gmacht worde: D ISO hät d Kantön Appezell Usserrhode und Appezell Innerrhode falsch geschribe ghaa.