ISO 639-1

S ISO 639-1 isch de erscht Deil vo de internationale ISO-639-Standardabchürzige für Sproche und bstoht uss 136 Abchürzige, wo alli zwei Büechstabe hän. Si diene dezüe, Sproche eso abzchürze, dass mer au in andere Länder erkänne cha, was gmeint isch. Bispyl:

• Alemannisch wird mit als bzw. gsw (was eigentlig für Schwizerdütsch stoht und drum falsch isch) abchürzt
• Chinesisch wird mit zh abchürzt (wyl d'Eigebezeichnig Zhōngwén isch)
• Dütsch wird mit de abchürzt
• Französisch wird mit fr abchürzt
• Ungarisch wird mit hu abchürzt (wäge de Änglische Bezeichnig Hungarian)

D ISO-639-1-Liste isch im Johr 2002 zu me Standard worre, es hät's aber scho e baar Johr devor als Entwurf gee. Zletscht (am 26. Februar 2003) isch d'Abchürzig ht dezüegfiegt worre, wo für Haitianisch stoht.

Für d'Abchürzige isch d'Infoterm (vo Ängl. International Information Center for Terminology) züeständig.

Es werre hütt keini neue ISO-639-1-Abchürzige meh vergee, wyl's e ISO 639-2 git. Dodurch mien System, wo d'ISO-639-1-Abchürzige bruche, im Fall vo-n-re Änderig nit umstelle.