James Watt

Dr James Watt (* 19. Januar 1736 z Greenock; † 25. August 1819^[1] in siim Huus z Heathfield, (Staffordshire) isch e schottische Erfinder gsi. Vo siine Erfindige isch us hütiger Sicht d Verbesserig vom Wirkigsgrad vo Dampfmaschine dur d Verlagerig vom Kondensationsprozäss us em Zylinder in e separate Kondensator die iiflussriichsti gsi. Dr Watt sälber het s Gstäng, won er entworfe het, s Parallelogramm vom Watt, für si grössti Erfindig ghalte.

1. ↑ Jennifer Tann, Watt, James (1736–1819), Oxford Dictionary of National Biography, Oxford University Press, Sept 2004; online edn, May 2007, accessed 5 April 2008. — In dr Litratur über e James Watt wird hüfig dr 19. August as Todesdatum aagee. Das goht uf d Biographii The Life of James Watt (1858, S. 521) vom James Patrick Muirhead zrugg. Si bezieht ihri (vermeintligi) Legitimation us dr Datsach, ass dr Muirhead e Neveu vom Watt gsi isch und dorum bsundrigs guet sött informiert si. Im Muirhead siim Nochlass (Muirhead papers) isch allerdings au vom 25. August d Reed. Ziitgenössischi Ziitungsbricht über em Watt siim Begräbnis understütze s spötere Datum